’n Goeie aftreksel begin met die eenvoudigste dinge: vars groente, soms bietjie vleis of bene en water wat al die geure saggies saamtrek. Terwyl dit stadig prut, vul die kombuis met ’n warm, huislike reuk wat jou laat verlang na ’n bord sop of ’n stoofpot. Dit is die basis van soveel geregte – eenvoudig, voedsaam en altyd vol potensiaal.
Bestanddele
45 ml olyfolie
150 g uie
90 g wortels
150 g seldery
150 g rape
2 kg vleis van jou keuse, met die bene aan
1 - 2 knoffelhuisies
8 takkies oreganum/tiemie/pietersielie
2 lourierblare
1 t swart peper korrels
2 t sout
4 L water
Metode
In 'n groot pot, maak die olie warm en braai die groente tot sag
Plaas die res van di ebestanddele by en bring tot kookpunt
Kook die aftreksel vir 4 ure tot die hoeveelheid water helfte minder is
Dreineer die aftreksel
Gooi die vaste stowwe weg
Laat die aftreksel afkoel
Stoor in gesteriliseerde houers en vries vir tot 3 maande