Daar is iets onweerstaanbaar aan hierdie kombinasie – romerige, liggekklopte feta wat op jou bord lê, saam met die soetheid van tamaties wat in die oond gerooster is tot hulle liggies gekarameliseer en vol geur is. Elke happie is ’n mengsel van sout en soet, sag en net-effens gesmelt. Dit is die tipe gereg wat jy sommer vinnig vir aandete maak, maar wat jou gaste laat glimlag. Perfek op vars geroosterde brood, as deel van ’n slaai of net so met ’n lepel.
Bestanddele
400 g klein tamaties
400 g sagte feta
2 knoffelhuisies
4 tiemie takkies
2 e olyfolie
sout & peper na smaak
Metode
Voorverhit jou oond op 180°C
Plaas die tamaties in 'n oondbak en meng met die olyfolie, sout, peper & tiemie
Bak vir 40 min tot mooi gerooster en sag
Plaas die feta en die knoffelhuisies in jou voedselverwerker
Laat die voedselverwerker die feta en knoffel meng tot sag en romerig
Bedien saam met vars geroosterde brood